Abstract
Заманауи мұғалім өз іс-әрекетіне рефлексия жасауы міндетті және оқушылардың білім сапасына терең талдау жасауы қажет. Оқушылармен жұмыс жасауда, жүйелі түрде сабақтарды жоспарлау мен өткізуде кедергі болатын факторларды түсініп, келесіде болдырмаудың жолдарын қарастыруы шарт, әйтпесе кәсіби жетілу қиын. Кәсіби қоғамдастықта жұмыс істеу арқылы мәселелерді шешу үшін мұғалімдердің өзара әрекеттесуін, жалпы стратегияларды таңдауды, олардың оқушылармен жұмысын-дағы тиімділігін зерттеуді қамтиды және "іс-әрекеттегі зерттеу"стратегиясы арқылы жүзеге асырылады.Іс-әрекеттегі зерттеуде мұғалім сыныптағы жағдайды зерттеп, оған қатысты гипотеза жасайды. Белгілі бір ситуацияның болу себебін анықтау үшін, жағдаятты жан-жақты бақылау керек. Бұндай бақылау белгілі бір қорытынды жасауға алып келеді. Жүйелі зерттеу тәжірибемізді өзгертуге, анықталған жағдаятты басқаша жасауға рефлекцияны дамытады. Іс-әрекеттегі зерттеу -Action research –Оқыту мен оқу тәжірибесін жетілдіру мақсатында бірізді, тізбектелген,жоспарланған іс-әрекеттерді орындауды, сондай-ақ зерттеу барысында алынған нәтижелерге жүйелі түрде мониторинг жүргізуді көздейтін үдеріс. Іс-әрекеттегі рефлекция-алдыңғы қадамдарды жоспарлау және орындау мақсатында іс-әрекет жасау (мысалы, оқыту мен оқу), іс-әрекет нәтижелерін сыни талдау және бағалау барысындағы мұқият ойлану үдерісі.Сабақтың тиімді жоспарлануы, оқушылардың жас ерекшелігін есере отырып қолданылатын білім беру ресурстары мен әдіс-тәсілдер, білім алушыларды ынталандыра алатын нәтижеге бағыттайтын бағалау құралдарының тиімді жүзеге асырылуының нәтижесі оқушылардың білім сапасының өсуімен тығыз байланысты үдеріс. Тізбектелген сабақтар барысындағы әріптестердің конструктивті кері байланыстарын ескере отырып, алдыңғы сабақтарда орын алған олқылықтардың болдырмау арқылы мұғалім өзі де кәсіби тұрғыда дамиды. Осы үдерістердің барлығы дерлік Іс-әрекетті зерттеу стратегия-сының дұрыс әрі нақты жүзеге асырылуының қорытынды нәтижесі болып табылады.