Abstract
Қазіргі таңда жаңартылған білім беру мазмұнына сай оқылым стратегияларын қазақ тілі пәнінде мәтіндерге салыстырмалы талдау жасау кезінде оқушыларға қолдану тиімді және нәтижелі көрініс табуда. Бұл мақалада оқылым стратегияларының мәтіндерге салыстырмалы талдау жасау кезінде 4 сынып оқушыларына қолдану тиімділігін көрсетеді. Сондай-ақ мақалада оқылым стратегиялары дегеніміз не? Оның қандай түрлері бар? Мәтінмен жұмыс кезеңдерін қандай стратегиялар арқылы жүзеге асыруға болады? “Қазақ тілі” пәні бойынша оқу бағдарламасындағы “оқылым стратегияларын қолдану” бөлімшесін қандай мақсаттармен жүзеге асырамыз? Оқыту барысында қандай әдіс –тәсілдерді тиімді қолдануға болады? деген сұрақтарға жауап аласыздар. Мақала барысында мәтінмен жұмыс жасаудың үш кезеңі қарастырылды: мәтінге дейінгі кезең, мәтінмен жұмыс кезеңі, мәтіннен кейінгі кезең. Оқушылар мәтінді қалай салыстырады, мәтіндегі қандай негізгі ақпараттарды игереді және негізгі ойды анықтай алу мүмкіндіктері осы оқылым стратегиялар арқылы көрсетілді. Сондай-ақ, мақалада оқылым стратегияларының түрлеріне нақты шолу жасалған. Әрбір оқылым стратегияларына талдау жасалынып, стратегиялардыңөзіндік ерекшелігі мен мәтіндерге қолдану аясы мен маңыздылығы талданды. Қорытындыда оқылым стратегияларын 4 сынып оқушыларына мәтіндерге салыстырмалы талдау жасау дағдыларын қалыптастыру үшін оқылым стратегияларын тиімді қолдану маңызды.