Abstract
Мақалада білім сапасын төмендеуі сұрақтары, сондай-ақ білім алушылардың білімін объективті бағалауды қамтамасыз ету мәселелері қарастырылады. Бұл зерттеу оның ағымдағы кемшіліктерін анықтау және оларды жою жолдарын ұсыну мақсатында Қазақстан Республикасының мектептеріндегі бағалау жүйесін талдауға бағытталған. Негізгі ұсыныстардың бірі – материалды игерудің әртүрлі деңгейлеріндегі оқушылардың оқу мақсаттары мен білім сапасын дәлірек ескеретін критериалды бағалау жүйесіне көшу. Зерттеудің мақсаты бағалау жүйесіне «құру» деңгейін енгізу үшін Блум таксономиясын өзгертудің маңыздылығын талдау және негіздеу болып табылады, бұл цифрландыру мен STEM тәсілдерін қоса алғанда, білім берудің заманауи талаптарына сәйкес оқушылардың шығармашылық ойлауы мен инженерлік-технологиялық дағдыларын дамытуға ықпал етеді. Алайда, зерттеуде анықталған негізгі шектеулердің бірі – модификацияланған Блум таксономиясына сәйкес келетін көп деңгейлі бақылау-өлшеу материалдарының болмауы. Бұл оқу мақсаттары мен бағалау әдістері арасындағы сәйкессіздікке әкеледі. Нәтижесінде, зерттеу бағалау жүйесінің материалды игеру деңгейімен және оқытудың тиісті мақсаттарымен байланысының маңыздылығына, сондай-ақ шығармашылық ойлауды дамытуға және ынталандыруға ықпал ететін арнайы бақылау материалдарын әзірлеу қажеттілігіне баса назар аударады.