Abstract
Бұл мақалада Корея Республикасында зейнеткер жасындағы адамдардың еңбек етуге қатысуын арттыру мақсатында егде жастағы адамдарға қосымша білім берудегі үкімет тарапынан қолдау тапқан жобасы туралы айтылады. Оңтүстік Кореяда халықтың көбею төмендеп, қартаю үдерісі дамыған сайын, еңбекке қабілетті халық саны азаю ел экономикасының тұрақты дамуыны кедергі келтіруде. Үкімет жұмыс жасайтын адам тапшылығын жою мәселесін шешу және әлеуметтік шығындарын қысқарту үшін бір жолы ретінде белсенді еңбек етушілер қатарына жасы егде тартқан және зейнетке шыққан адамдарды тұрақты жұмысқа тарту жолы арқылы қарастырып отыр. Мұндай жағдайда билік үшін егде жастағы адамдарды жаңа еңбек нарығының талаптарына сай біліктілігі мен дағдыларын арттыру, қайта даярлау маңызды саналады. Сондықтан да Оңтүстік Кореяда ересектерге білім беру - бұл мемлекеттің стратегиясы әрі нарық талабы. 2016 жылдан бері Сеул қаласында егде жастағыларды әлеуметтік қамсыздандыру мен оларға білім беруді қолдау бойынша жаңа бағдарлама іске қосылды. Ол Сеул 50+ бағдарламасы арқылы қаладағы түрлі кампустар мен қоғамдық орталықтардың кешенді инфрақұрылымынан, сондай-ақ әртүрлі бағдарламаларды қадағалайтын және мүдделі тараптардың қарым-қатынасын басқаратын қордан тұрды. Сондай ақ бұл іс шара орта буынның еңбекке араласу арқылы салауатты және белсенді әлеуметтік өмірі мен кәрілігін қолдау үшін де құрылған.