Abstract
Мақалада абразивті тозу кезінде машина бөлшектерінің беткі қабатын нығайту үшін жоғарғы жылдамдықты газ-жалынды тозаң бүрку технологиясын қолдану, абразивті тозу жайлы белгілі идеяларды талдап, жабын жасаудың тиімді әдісі мен материалдарын таңдауды негіздеу мәселесі дәйекті көрсетілген. Жоғарғы жылдамдықты газ-жалынды тозаң бүрку арқылы Fe-C-Cr-Ti жүйесінің сымды ұнтақтарынан жоғары сапалы жабын қабаттарын алу технологиясын жасау, бүрку үрдісінің оңтайлы параметрлерін теориялы жолмен анықтау баяндалған. Сондай-ақ, машина бөлшектерінің сыртқы қабатын сапалы жабынмен қаптау уақытында екі фазалық ағынның математикалық моделін пайдалана отырып, оптималды бүрку үрдісінде алынған гетерофазиялық ағын сипаттамаларын есептеулер негізінде бағалай келе, жоғары жылдамдықты газ-жалынды тозаңды бүрку әдісін дұрыс таңдаған. Жабындарды қалыптастыру үрдісі негізінен тозаң бөлшектерін қыздыру, тозаңды бүрку және қаптау үрдісіндегі күйімен анықталатынын айта келе, жартылай қатайған және тіпті қатты бөлшектер, әсіресе түпкі ағын аймағында, шашу бетіне жақын жерінде пайда болып, микротамшылы және бу фракциялары газ ағынымен әрекеттесіп, жабын қабатына ене алатын әртүрлі сапалы қатты қосылыстар түзе алатындығын орынды түрде баяндалған. Жоғары жылдамдықты газ-жалынды тозаңды бүрку мақсатында пайдаланылатын көмірсутектердің ішінде МАФ (Метилацетилен-аллен фракциясы) газын пайдалану кезінде жалын отынының ең жоғары температурасына қол жеткізілетіні атап көрсетілен. Оған толық сипаттама беріліп, жасалған тәжірибелердің нәтижелері теория жүзінде дәйекті баяндалған. МАФ газы - бұл изобутан, изобутилен, пропан, пропилен, бутадиен және басқа да көмірсутектердің қауіпсіздігі мақсатында жасақталған метилацетилен мен аллен (пропадиен) қоспасы екендігі айтылған.