Abstract
Мақалада инновациялық экономиканың негізгі компоненттерінің бірі - ғылыми-зерттеу жəне тəжірибелік-конструкторлық жұмыстарының Қазақстандағы даму қарқыны баяндалған. Сонымен қатар, қазіргі таңда əлемде орын алып отырған COVID-19 эпидемиясының елдің инновациялық қызметіне əсері анықталып, негізгі мəселелерді шешу үшін ғылыми-зерттеу жəне тəжірибелік-конструкторлық жұмыстарды қаржыландыру маңыздылығы дəлелденген. Еліміздегі ғылыми-зерттеу жəне тəжірибелік конструкторлық жұмыстарының негізгі көрсеткіштері талданып, оның қазіргі экономикалық дағдарыс уақытында тиімді дамыту ұсыныстары жасалған. Сонымен қатар, инновациялық экономиканы дамытудың, ғылыми əзірлемелер мен инновациялардың кəсіпорындар жəне ұйымдармен байланысты қызмет етуінің негізгі мəселелері анықталып, оларды жетілдіру бойынша ұсыныстар дайындалған. Инновациялық экономиканы қолдау бойынша мемлекеттік саясаттың рөлі жəне осы бағыттағы шетелдік мемлекеттердің тəжірибесі қарастырылып, оны еліміздің экономикасында қолдану ерекшеліктері баяндалған.