Abstract
Мақалада Қазақстан Республикасының жоғары оқу орындары жағдайында болашақ психологтардың кәсіби құзыреттілігін қалыптастыру мәселесі теориялық және эмпирикалық тұрғыда кешенді түрде қарастырылады. Кәсіби құзыреттіліктіңмәні, құрылымдық компоненттері және оның когнитивтік, практикалық және тұлғалық өлшемдерінің өзара байланысы ғылыми әдебиеттер негізінде нақтыланды.Зерттеу қазіргі білім беру жүйесіндегі құзыреттілікке негізделген тәсілдің маңыздылығын айқындап, оның болашақ мамандарды даярлаудағы рөлін көрсетеді. Эксперименттік жұмыс барысында тәжірибеге бағытталған оқыту әдістері (кейс-талдау, тренингтер, жобалық тапсырмалар) енгізілді. Нәтижесінде студенттердің кәсіби мотивациясы артып, теориялық білімді практикалық жағдайлардақолдану қабілеті дамығаны анықталды.Алынған эмпирикалық деректер ұсынылған педагогикалық модельдің тиімділігін дәлелдеп, оның кәсіби құзыреттілікті қалыптастырудағы ықпалын көрсетті. Зерттеудің ғылыми жаңалығы –кәсіби құзыреттіліктің құрылымдықмоделін нақтылау және оны дамытуға ықпал ететін педагогикалық шарттарды айқындау. Практикалық маңызы –ұсынылған әдістемелерді жоғары білім беру үдерісіне енгізу арқылы болашақ психологтарды кәсіби даярлау сапасын арттыру мүмкіндігімен сипатталады.