Abstract
Мақалада психология мамандығы бойынша білім алатын студенттердің зерттеушілік дағдыларын қалыптастыру мəселесі жан-жақты қарастырылады. Зерттеу тақырыбының өзектілігі қазіргі жоғары білім беру жүйесінде болашақ мамандардың ғылыми-зерттеу əрекетіне ерте араласуы мен зерттеушілік құзыреттілікті дамытуға қойылатын талаптардың артуымен түсіндіріледі. Отандық жəне шетелдік еңбектерге жасалған теориялық талдау зерттеушілік дағдыларды қалыптастырудың негізгі тəсілдерін айқындауға мүмкіндік берді. Авторлар зерттеушілік əрекетті оқу процесіне кіріктірудің жəне инновациялық білім беру технологияларын қолданудың тиімділігін атап өтеді. Эксперименттік зерттеу авторлық білім беру бағдарламасының тиімділігін тексеруге бағытталды, бағдарлама жобалық тапсырмалар, проблемалық оқыту элементтері жəне цифрлық ресурстарды қамтыды. Нəтижелер студенттердің зерттеушілік дағдыларының дамуында оң өзгерістерді көрсетті: мəселені тұжырымдау, əдісті таңдау, нəтижелерді талдау жəне ғылыми қорытынды жасау қабілеттері артты. Ғылыми жаңалығы –зерттеушілік дағдыларды қалыптастырудың теориялық негіздерін нақтылау жəне оларды дамытуға ықпал ететін педагогикалық шарттарды айқындау. Практикалық маңыздылығы –бағдарламаны болашақ педагог-психологтарды даярлауға бағытталған оқу процесіне енгізу мүмкіндігімен байланысты.