Abstract
Бүгінгі таңда жел энергетикасы саласында айналу осі турбиналық тектес жел электр станциялары кеңінен қолданылып жатқаны хақ. Дегенмен, бұл типтес жел электр станцияларына тән бірқатар кемшіліктерге байланысты соңғы жылдары айналмалы қалақшасыз жаңа үлгідегі тербелмелі жұмыс органы бар жел электр станцияларының түрлері ұсынылуда. Яғни, бұл жел электр станцияларының бірі – осы мақалада қарастырылған тербелмелі жұмыс органымен жабдықталған желкенді типтес жел электр станциясы қарастырылады. Қарастырылған желкенді жел электр станциясының жұмысы мен энергияны өндірү әдісінің ерекшелігі – оның аэродинамикалық бейіні бұралған қимасы бар модификацияланған тороидты желкенге ие болуында. Желкенді жел электр станциясының жұмыс сенімділігін және энергияны тиімді өндіру мақсаты ол, жоғары аэродинамикалық көрсеткіштерге ие болатын тороидалоды пішіндес желкеннің зерттелініп таңдалуында. Таңдалынған тороидалды желкеннің шын мәнінде аэродинамикалық көрсеткіші басқалармен салыстырғанда артықшылығын көрсету мақсатында тоғыз тороидалды пішіндес және тороидалды емес пішіндегі әртүрлі желкендердің 3D кескіні моделделінді. Желкендер SolidWorks бағдарламалық пакетінде моделделінді. Алынған 3D кескіндер виртуалды аэро динамикалық құбырда, яғни Autodesk Flow Design бағдарламалық пакетінде орнатылып үрілді. Зерттелінген тороидалды желкендердің аэродинамикалық көтеру күші мен кедергі күштерін өзара салыстырылып желкенді жел электр станциясының энергия өндірүін арттыруына үлесі жоғары түрі таңдалынды.