Abstract
Бүгінгі таңда Қазақстандағы тіл үйретудің негізгі мақсаты – оқушының тілдік және коммуникативтік құзыреттілігін қалыптастыру. Бұл мақсат ҚАЗТЕСТ жүйесімен үндес келеді. Орта білім беру бағдарламаларында тыңдалым, оқылым, жазылым және сөйлесім дағдыларын дамыту көзделсе, ҚАЗТЕСТ осы дағдыларды тексеруге негізделген. Бұл сабақтастық оқушыны ұлттық және халықаралық деңгейдегі тілдік сынақтарға дайындауға мүмкіндік береді. ҚАЗТЕСТ – қазақ тілін меңгеру деңгейін анықтауға арналған және халықаралық стандарттарға, атап айтқанда CEFR-ге сәйкес келетін ұлттық тестілеу жүйесі. Тест құрылымына тыңдалым, оқылым, жазылым және лексика-грамматикалық тапсырмалар кіреді, бұл тілдің барлық қырларын кешенді бағалауға жағдай жасайды. ҚАЗТЕСТ тек ересектерді бағалаумен шектелмей, орта білім мазмұнымен де сабақтас болуы тиіс. Мектептегі қазақ тілі пәні тілдік тұлғаны қалыптастыруға бағытталса, ҚАЗТЕСТ осы білімнің нәтижесін объективті бағалайды. Сондықтан ҚАЗТЕСТ стандарттарын мектепте бағдар ретінде қолдану мұғалімдерге оқу мақсаттарын нақтылауға және бағалауда әділ критерийлерді қолдануға мүмкіндік береді. Тест нәтижелері білім беру сапасын талдауда маңызды: олар мектеп бағдарламаларының тиімділігін, әлсіз тұстарын анықтауға көмектеседі. Сонымен қатар ҚАЗТЕСТ халықаралық тестілермен салыстырылып, ұлттық жүйенің әлемдік стандарттарға сай екенін көрсетеді. ҚАЗТЕСТ-ті білім беру процесіне енгізу оқушылардың функционалдық сауаттылығын арттырып, мұғалімдердің кәсіби деңгейін көтереді. Осылайша, ҚАЗТЕСТ жүйесі мемлекеттік тілдің мәртебесін арттыруда және оқушылардың тілдік тұлға ретінде қалыптасуында стратегиялық құрал болып табылады.