Abstract
Мақалада жасанды интеллектіні (ЖИ) оқу үдерісіне интеграциялау арқылы оқушылардың реферат жазу дағдыларын қалыптастырудың тиімді жолдары қарастырылады. Қазіргі білім беру жүйесінде оқушылардың академиялық сауаттылығын арттыру маңызды міндеттердің бірі. Соның ішінде реферат жазу дағдысы – зерттеушілік қабілетті, сыни ойлауды, ақпаратпен жұмыс істеуді және ғылыми стильде жазуды талап ететін күрделі үдеріс. Бұл дағдыларды қалыптастыруда дәстүрлі әдістермен қатар, жаңа цифрлық құралдарды, әсіресе жасанды интеллект технологияларын тиімді қолдану қажеттілігі туындап отыр. Жасанды интеллект оқушыларға ақпаратты іздеу, талдау, құрылымдау, терминдерді дұрыс қолдану және академиялық талаптарға сай мәтін құрастыруда әдістемелік қолдау көрсете алады. Мақалада жасанды интеллект пен цифрлық құрылғылардың білім беру үдерісіндегі тиімділігі талданып, олардың оқушылардың шығармашылық қабілеттерін дамыту, ғылыми зерттеулерге қызығушылығын арттыру жолдары көрсетіледі. Мақаланың негізгі мақсаты – жасанды интеллектінің көмегімен оқушылардың реферат жазу дағдыларын қалыптастырудың жаңа мүмкіндіктерін анықтау. Бұл мақалада жасанды интеллект (ЖИ) құралдарының зерттеу жұмыстарын жүргізу және академиялық сауаттылықты қалыптастырудағы рөлі айқындалады. Мақалада цифрлық технологияларды реферат жазуда қолданылуының практикалық маңыздылығы ашылып, тиімді әдіс-тәсілдер ұсынылды. Зерттеу барысында жасанды интеллект арқылы академиялық жазылымды қалыптастырудың әлемдік тәжірибесі мен жасанды интеллектінің Қазақстанның білім беру кеңістігіндегі түсінігі талданды. Оқушылардың академиялық сауаттылығын қалыптастыруға септігін тигізетін жасанды интеллект ресурстары жинақталып, олардың тиімділігі айқындалады. Мақала білім алушылардың сыни ойлауын, ақпараттық сауаттылығын және шығармашылық қабілеттерін дамытудағы жасанды интеллектінің әлеуетін ашуға бағытталған.