Abstract
Бұл мақалада синергетикалық синтез әдісімен ғарыштық ұшу аппаратының (ҒҰА) кеңістіктік қозғалысын жобалау қарастырылады. Синергетикалық синтез әдісінде басқару жүйесінің күй кеңістігінде тартымды инвариантты көпбейнелік ұғымдары енгізіледі. Басқаруды табу үшін инвариантты көпбейнеліктерді сипаттайтын, сәйкесінше макро айнымалыларға қатысты жазылған функционалдық теңдеулер қолданылады. Біріншіден, сызықтық емес ҒҰА моделін қолданатын басқару жүйесінің математикалық сипаттамасы келтірілген. Қарастырылып отырған синергетикалық синтезге сәйкес сыртқы қоздырушы әсерлерді ескеретін және басқаруды анықтайтын басқару объектісінің кеңейтілген сызықтық емес моделі құрылды. Синтезделген синергетикалық реттегіштің тиімділігін талдау үшін тұйықталған басқару жүйесін компьютерлік модельдеу жүргізілді. Компьютерлік модельдеудің келтірілген нәтижелері реттеуіштердің басқару жүйесіне сыртқы қоздырушы әсерлерге орнықтылық пен робастылықты қамтамасыз ете алатындығын, сонымен қатар сызықтық емес басқару жүйелерін жобалаудың теориялық негізі бола алатындығын растайды.