Abstract
Қазіргі уақытта студенттердің академиялық үлгерімін болжаудың заманауи әдістері зияткерлік деректерді талдауды енгізу арқылы қарқынды дамып келеді. Білім беру деректерінің үлкен көлемін талдау студенттердің жетістіктеріне әсер ететін заңдылықтарды анықтауға, сондай-ақ білім сапасын арттыруға арналған тиімді стратегияларды әзірлеуге мүмкіндік береді. Бұл мақалада зияткерлік деректер талдауына негізделген академиялық үлгерімді болжаудың заманауи тәсілдерін талдау мәселелері қарастырылады. Шолу нәтижелері жасанды интеллект пен деректерді өңдеу алгоритмдерін қолдану болжамның дәлдігін айтарлықтай арттырып, академиялық үлгермеушілік тәуекелдерін төмендетуге және дербестендірілген оқу стратегияларын ұсынуға мүмкіндік беретінін көрсетеді. Сонымен қатар, модельдерді түсіндіру, бастапқы деректердің сапасы және болжамдық аналитиканың этикалық аспектілері сияқты мәселелер қарастырылады. Халықаралық тәжірибені білім беру жүйелеріне бейімдеу, соның ішінде интеллектуалды деректерді талдауды ақпараттық жүйелерге (АЖ) интеграциялау мүмкіндіктері – осы зерттеудің маңызды аспектілерінің бірі болып табылады. Өңірлік білім беру ортасының ерекшеліктерін ескере отырып, болжамдау әдістерін одан әрі дамытуға қатысты ұсыныстар жасалды.