Abstract
Мақалада Қазақстандағы ішкі және сыртқы бағалау жүйесінің бірыңғай мазмұнына тіл пәні мұғалімдерін кәсіби даярлау мәселелері қарастырылады. Бағалауды оқыту мақсаттарымен сәйкестендірудің маңыздылығы атап өтіліп, тілдерді оқыту сапасын арттырудағы бағалау сауаттылығының рөлі айқындалады. Зерттеуге Қазақстан Республикасының 650 тіл пәні мұғалімі қатысқан эмпирикалық деректерің теориялық талдаыу қамтылған. Нәтижелер көрсеткендей, мұғалімдердің критериалды бағалауға дайындық деңгейін жоғары бағалағанына қарамастан, тәжірибеде олар бірқатар қиындықтарға тап болады: уақыт тапшылығы, критерийлердің түсініксіздігі және бағалау құралдарының үйлесімсіздігі. Мақалада халықаралық тәсілдерге (CEFR, Cambridge Assessment) сүйене отырып, қалыптастырушы және жиынтық бағалауды кіріктіру принциптері қарастырылады, сондай-ақ оқушыға бағытталған, рефлексивті бағалау мәдениетін қалыптастыру қажеттілігі баса айтылады. Соңында нақты ұсыныстар берілген: мұғалімдерді даярлау бағдарламаларын жаңарту, әдістемелік қолдау, цифрлық құралдарды енгізу және кәсіби қауымдастықтарды құру. Бағалау тек оқу жетістіктерін тіркеу құралы ретінде емес, метапәндік дағдылар мен оқушылардың жеке білім беру траекторияларын дамыту құралы ретінде түсіндіріледі.