Abstract
Осы мақалада авторлар өзіндік зерттеулерді 2023-2024 жылдар аралығында шаруашылықтағы 600 бас бордақылауға қойған бұқаларға жүргізілген нәтижелерін келтірген. Эксперимент кезінде 2-ші тәжиірбелік топтағы бұқалардың яғни шаруашылықтағы рацион құрамына қосымша премикс қосылған 1-ші топ бұқаларының морфо-биохимиялық көрсеткіштеріне қарағанда жоғары, яғни эритроциттер көлемі-4,4%, лейкоциттер -18,6%, гемоглобин 28,1%, глюкоза 17,2%-ға жоғары болғаны анықталды. Сонымен шаруашылық жағдайында бордақылаудағы бұқалардың зат алмасу үрдістерін жоғарылату мақсатында негізгі шаруашылықта қолданылатын рацион құрамына қосымша премикс қосуды ұсынады, яғни мыс сульфаты, кобальт хлориді, мырыш сульфаты, марганец сульфаты, ретинол және и-сак қосымшалары. Дегенмен, етті мал өсірумен айналысатын фермерлер көбіне дұрыс азықтандыру рационын құрастыруда қиындықтарға тап болып жатады, бұл жануарлардың жағдайына кері әсерін тигізеді және экономикалық шығындарға алып келеді. Малдарды толыққанды азықтандырудың басты мақсаты – олардың ағзасын қажетті барлық қоректік заттармен, соның ішінде ақуыздармен, көмірсулармен, майлармен, биологиялық белсенді компоненттермен және микро- мен макроэлементтер түріндегі минералдармен қамтамасыз ету болып табылады. Мұндай компоненттер жануарлардың жалпы денсаулық жағдайын жақсартады, өнімділігін арттырады және қалыпты репродуктивтік функцияларын қелтіреді.