Abstract
Дүниежүзілік жануарлар денсаулығы ұйымының мәліметтері мен көптеген жариялынымдарда және ресми ветеринарлық статистиканың деректерінде мүйізді ірі қара малдың жұқпалы аурулары арасында ағзаның зақымдануының ауырлығы, инфекцияның жаппай көрінісі және экономикалық салдары бойынша МІҚ лейкозы жетекші орын алатындығын көрсетеді. МІҚ лейкозы бойынша эпизоотиялық жағдай Қазақстан Республикасының мал шаруашылығын дамытудағы басты мәселе болып табылады. Осы ауруды дұрыс бақыланбауынан жоғары өнімді малды шетелден тиімді импорттауға және мал шаруашылығы өнімдерін экспорттауды жүзеге асыруға мүмкіндік бермейді. Сондықтан эпизоотиялық проблемаларды шешу және осы ауруды балау және диагностикалық тест-жүйелерін жасау кезінде белгілі бір аумақта айналымдағы лейкоз вирусы туралы ақпарат алу одан әрі ғылыми зерттеулерді қажет етеді. Мақалада Алматы және Қостанай облыстарының шаруашылықтарынан МІҚ-да анықталған МІҚ лейкозы провирусы изоляттарының env-гені локусының теңестірілген нуклеотидтік реттілігінің салыстырмалы филогенетикалық талдауының нәтижелері келтірілген, олардың генотиптік тиесілігі белгілі болды. Анықталған (он үш) сынама изоляттары МІҚЛВ G4 генотипіне жатады. Env-генді зерттеу (903 ж.н) МІҚЛВ-ның кіші типін, яғни польшалық екенін визуализациялауға мүмкіндік берді. МІҚЛВ генотиптеу эпизоотиялық мониторингтің тиімділігін және ҚР аумағында айналымдағы вирустардың генотиптерін білу негізінде диагностикалық іс-шаралар деңгейін арттыруға мүмкіндік береді.