Abstract
Мақалада қазақ ұлттық салт-дәстүр негізінде мектеп жасына дейінгі балалардың сөйлеу тілін дамытудың теориялық және практикалық негіздемесін құрайтын аспектілер қарастырылады. Авторлар осы санаттағы балалардың ана тілін, сөйлеу дағдыларын игеруі тек арнайы педагогикалық әсер ету жағдайында жүзеге асырылуы мүмкін екендігін айтады. Сөйлеу тілі сенсорлық көріністер базасына сүйене отырып, көрнекі әдістерді тиімді қолданумен дамиды. Күрделі кемістігі бар мектеп жасына дейінгі балаларды арнайы түзеу сабақтарында салт-дәстүрді насихаттау, ұлттық құндылықтарға баулу арқылы, ұйымдастыру жолдарын баланың жас және жеке дара ерекшеліктерін ескере отырып қолданудың маңыздылығын ашады. Арнайы оқыту жағдайында мектеп жасына дейінгі балалардың сөйлеу қабілетінің негізін құрайтын бірқатар сөйлеу дағдылары мен тілдік біліктердің қалыптасу ерекшеліктері сипатталған. Саусақ жаттығуларын баланың сөйлеу тілін дамытуға көмектесетін негізгі тәсілдерінің бірі ретінде қарастырып, жаттығулар түрлері мен ойын үлгілері ұсынылған.