Abstract
Бұл мақалада волластонит пен ортофосфор қышқылы ұялы бетон компоненттері ретінде қолдану арқылы кеуекті құрылым жасау мүмкіндіктері қарастырылған, түрлі жағдайларда алынған нәтижелер өзара салыстырыла отырып, алынған бетонның негізгі физика-механикалық қасиеттері зерттелген. Заман талабына сай елімізде осыған дейін өндіріліп, жасалып, шығарылып жатқан құрылыс саласында қолданылатын материалдардың экономикалық, экологиялық және басқа да көрсеткіштерін жақсарту мен тиімді жолдарын қолға алу маңызы күннен күнге артып келеді. Мақалада жүргізілген зерттеулер, талдаулар мен салыстырулар нәтижелері бойынша жергілікті қосымша шикізат көзі ретінде волластонитті ұялы бетон алуда ортофосфор қышқылымен өңдей отырып түрлі қасиеттерге ие кеуекті құрылым жасау жолдары сипатталады. Бұл өз кезегінде газдалған бетон өндірісін дамытуға өз үлесін қосатыны айқындалады.