Abstract
Мақалада Қазақстан мен Өзбекстан арасындағы қарым-қатынастың дамуы, Өзбекстанның сыртқы саяси өзгерістерінің Орталық Азиялық ынтымақтастыққа әсері талқыланып, Орталық Азияның аймақтық ынтымақтастығының даму перспективаларына баға берілген. Өзбекстан президенті Ш. Мирзиеевтың сыртқы саяси бастамалары талқыланып, Қазақстан мен Өзбекстан қатынастарының даму болашағына талдау жасалған. Сондай-ақ, Орталық Азиялық ынтымақтастық және Өзбекстанның сыртқы саяси өзгерістеріне қатысты отандық, шетел және Орталық Азиялық зерттеушілердің пікірлері сараланып, салыстырылған. Қазақстан мен Өзбекстан арасындағы өзара байланыстың жаңа тәсілдері талқыланып, Өзбекстан президенті Шавкат Мирзиеевтың жаңа сыртқы саяси бастамаларының Орталық Азиялық ынтымақтастыққа әсері туралы баяндалған. Автор мақалада Өзбекстан президенті Ш. Мирзиеевтың билікке келген кезінен бастап сыртқы саясатында орын алған өзгерістерін сараптамалық тұрғыдан бағалап, Өзбекстанның алғашқы президенті Ислам Каримов және қазіргі президенті Шавкат Мирзиеевтың саясатын салыстыра отырып, осы кезеңде Орталық Азиялық ынтымақтастықтың даму деңгейін сипаттаған. Автордың пайымдауынша, Орталық Азиядағы негізгі аймақтық бастамалар Қазақстан мен Өзбекстан елдерінен туындайды, сол себепті қазақ-өзбек қатынастары аймақтың дамуы үшін маңызды болып табылады. Түйін сөздер: екіжақты қатынастар, өңір, интеграция, келіссөздер, даму, Орталық Азия, стратегия, сыртқы саясат