Abstract
Саяси мәдениет қоғамның саяси жүйесін талдауда маңызды орын алады, өйткені ол саяси өзара әрекеттесуге әсер ететін негізгі құндылықтарды, нормалар мен сенімдерді көрсетеді. Бұл зерттеу саяси мәдениеттің тұжырымдамасын оның теориялық және концептуалдық аспектілеріне сүйене отырып қарастырады. Саяси ғылымда ғалымдардың жасаған зерттеу жұмыстары негізінде ұсынылған “саяси мәдениет” теориясына түсіндірмелер беріледі. Саяси мәдениеттің қазіргі концепцияларын анықтау үшін шетелдік ғалымдардың еңбектеріне талдау жасалды. Саяси мәдениеттің қалыптасуы мен динамикасын терең түсіну үшін мәдени, құрылымдық-функционалдық және идеологиялық негізгі теориялық тәсілдер зерттеледі. Саяси мәдениеттің саяси жүйенің институционалдық аспектілеріне әсері, сондай-ақ оның саяси билікті заңдастырудағы және азаматтарды әлеуметтендірудегі рөлі талданады. Жұмыс барысында саяси мәдениеттің қазіргі тұжырымдамаларына концептуалдық талдау жүргізу үшін жалпы ғылыми және арнайы әдістер, сонымен қатар жүйелік-құрылымдық және ретроспективті талдау, салыстырмалы және сараптамалық жалпылау әдістері қолданылады. Саяси мәдениеттің қазіргі концепциясын жіті талдаудың үлгісі ұсынылып, сол бойынша зерттеледі. Сонымен қатар, басқаруды оңтайландыру және әлеуметтік тұрақтылық пен үйлесімділікке қол жеткізу үшін саяси мәдениетті зерттеудің маңыздылығы атап өтіледі.