Abstract
Бүгінгі таңда тілдік прагматиканың жарқын көрінісі – бұл, әсіресе әлеуметтік желілерді қолданушылар белсенді қолданатын инвективті стратегия. Мақалада тілдік агрессияның көрінісі тұрғысынан Instagram желісін пайдаланушылардың пікірлері талданады, бұл мақала авторының пікірінше,бір жағынан интернет-коммуникацияның ерекшелігімен түсіндіріледі, яғни онда бірқатар коммуникативті шектеулер жоқ, қарым-қатынастың виртуалды сипаты және анонимділік басым, екінші жағынан, әлеуметтік шиеленістің белгісі болып табылады: сөйлеу агрессиясының деңгейі жарияланымның мазмұнынақызығушылық деңгейіне, яғни мәтінде көрсетілген оқиғаның комментатор үшінмаңыздылығына тікелей байланысты.Мақалада қойылған мақсат – әлеуметтік желі қолданушыларының елдегіжаңалықтар жарияланған қысқаша посттарға жазған комментарий мәтіндердегіинвективті лексиканың негізгі түрлерін және негізгі функцияларын анықтау.Инвективті лексиканы қолдануға әкелетін жанжалды жағдай мен жанжалды сөйлеу әрекетінің пайда болуы коммуниканттардың бір-бірін қасақана қорлау және кемсіту арқылы ауызша жанжалға түсуіне байланысты екендігі атап өтілді. Инвективалар мысалында жанжалды дискурста қалыптасатын вербальдықатынастар зерттеледі, бұл адам қызметінің танымдық аспектісін көрсетеді.Инвективті лексиканың ең көп мөлшері зоосемантикалық фразеологиялықбірліктер мен метафоралар санатында және адамның жеке басын кемсітуге тікелей бағытталған сөздерден тұратыны жайлы қорытынды жасалады.