Abstract
Мақалада отандық телевизиядағы дизайн мәселелері жан-жақты қарастырылған. Қазақстан медиа кеңістігінде интернет қолданушылар саны артқанымен,телевизия саласы әлі күнге дейін алдыңғы қатарда орын алып келеді. Тіпті, интернеткеңістігіндегі бейнематериалдар контентін де толтырып отырған телеарналардағыбағдарламалар екені ақиқат.Мақалада осы телеарналардағы дизайн туралы айтылып, оның шығу тарихы мен қоғамдық әсері жөнінде сөз етіледі. Аудиторияны игеруде телеарналардағы үйлесім, адам жанымен көзқуанышына айналатын телемұқаба, бейнелік безендірулер, жанын рахатқабөлеп, жүрек қылын тербейтін музыка т.б. телевизиялық көрнекіліктердің рөлі қаралып, ондағы ерекшеліктер мен күрделіліктер тілге тиек етіледі. Арнайы бағдарламаларарқылы жасалған моушн-дизайнның ұтымды тұстары мен құрылымының бүгінгі дизайнерлер үшін тиімділігі де назардан тыс қалмайды. Теледизайнердің жасаған жұмысына қойылатын талаптар мен міндеттер де ой безбеніне салынады.Сонымен қатар, қарапайым балалардан бастап егде жасқа дейінгі көзі қарақты көрермен талғамына әсер етудегі телеарна бағдарламалары теледизайндарының мән-маңызыбаяндалған. Адам психологиясы үшін түс пен ырғақтың, реңк пен қимыл-әрекеттіңорны кеңінен зерделеніп, теледизайнның санада жатталуы, рейтинг пен инвестициятартудағы көркемдік деңгейі ұсынылған.