Abstract
Қазіргі уақытта адамдардың экологиялық санасы қазіргі қоғам дамуының ең маңызды шарты болып табылады. Осыған байланысты жас ұрпаққа экологиялық тәрбие беру мәселесі мектептің басты міндеттерінің біріне айналады. Қазіргі мектептің міндеті – экология бойынша белгілі бір білім көлемін қалыптастыру ғана емес, сонымен қатар оқушылардың ғылыми талдау дағдыларын меңгеруіне, қоғам мен табиғаттың өзара байланысын түсінуге, қоршаған ортаға практикалық көмек көрсетудің маңыздылығын сезінуге көмектесу. Бүгінгі таңда құзыреттілікке негізделген әдіс білім беруде басымдыққа айналуда. Қоғамдағы экологиялық проблемалардың күрделілігі педагогикалық теория мен мектеп тәжірибесі үшін үлкен әлеуметтік маңызы бар бірнеше міндет қойды: экологиялық білім беру, табиғатты ұтымды пайдалану, табиғи ресурстарды қорғау және маңызды мәселелерді шешуге қабілетті жас ұрпақты рухани тәрбиелеу. Ал экологиялық білім беру экологиялық құндылықтардың жаңа жүйесіне негізделеді: табиғатты моральдық-этикалық бағалауды өзгерту, экологиялық білім, білік, дағдыларды қалыптастыру, экологиялық ойлау, табиғатты тұрақты құндылық ретінде түсіну, адамды табиғаттың органикалық бөлігі ретінде түсіну. Экологиялық тәрбиенің басты мақсаты – тұлғаның және қоғамның экологиялық мәдениеті.Осыларды негізге ала отырып экологиялық құзреттілікті дамыту – мектеп оқушыларына жалпы білім берудің негізгі міндеттерінің бірі деп есептейміз.