Abstract
Соңғы уақытта бақылау жүйелеріндегі талшықты-оптикалық технологиялар электромагниттік кедергілерге, коррозияға, шағын көлем мен салмаққа және төзімділік сияқты бірқатар артықшылықтарға ие бола отырып, маңызды рөл атқарады. Көпірлер, ғимараттар, туннельдер, құбырлар, теміржол инфрақұрылымы және тағы басқа құрылымдарды үздіксіз өлшеу және нақты уақыт режимінде бағалау үшін талшықты-оптикалық сенсорларға негізделген көптеген бақылау жүйелері жасалды. Бұл мақалада жол жабынын бақылау үшін талшықты датчиктерді қолдануды қарастырамыз. Талшықты Брэгг торына негізделген талшықты-оптикалық датчиктер әртүрлі жағдайларда жол жабындарын тиімді және ұзақ мерзімді бақылаудың болашағы зор құралы болып табылады және механикалық қасиеттері мен жол жабындыларын зақымдануын болжау үшін үлкен сұранысқа ие.