Abstract
Мақалада Дөкей Әбдікәрімұлы Талеевтің өмір жолы, ұстаз, ғалым болып қалыптасу кезеңдері жайлы жазылған. Дөкей Әбдікәрімұлы студент кезінде ҚазМУ-дің археологиялық экспедициясы құрамында Жамбыл, Оңтүстік Қазақстан, Қызылорда облыстарында жүргізілген археологиялық зерттеулерге қатысты. Ол Шу, Талас, Келес өңірлерінде, Алакөлдің төңірегінде зерттеу жұмыстарын жүргізіп, бұрын есепке алынбаған ондаған ортағасырлық қалаларды ашып, ғылыми айналымға енгізген зерттеуші, Қазақ хандығы тұсындағы қалаларды зерттеп жүрген білікті археологтардың бірегейі. Дөкей Әбдікәрімұлы әл-Фараби атындағы Қазақ ұлттық университетінде, Л.Н. Гумилев атындағы Еуразия университеттерінің тарихфакультетінде дәріс оқып, болашақ археологтар мен тарихшыларды даярлауға елеулі үлес қосқан ұстаз.