Abstract
Технологиялар дамыған сайын ақпараттық бәсеке де арта түсті. Әсіресе басылымдар жаңа тенденцияға ілеспесе, оқырман назарын ұстап қалуы қиын. Бұл зерттеу мерзімді баспасөздегі менеджмент пен маркетинг жүйелерін талдап, әлемдік тәжірибені салыстыру арқылы отандық басылымдардың негізгі мәселелерін анықтауды мақсат етеді. Зерттеу гипотезасы – тиімді медиа менеджмент пен цифрлық маркетинг стратегияларын қолдану мерзімді баспасөздің бәсекеге қабілеттілігін арттырады. Зерттеудің өзектілігі ақпараттық кеңістіктегі бәсекенің күшеюіне байланысты баспасөздің жаңа медиа талаптарына бейімделу қажеттілігімен байланысты. Зерттеу барысында салыстырмалы талдау, сипаттамалық зерттеу, SWOT талдау және статистикалық әдістер қолданылды. Отандық және шетелдік мерзімді басылымдардың менеджменттік және маркетингтік стратегиялары салыстырылып, олардың тиімділігін арттыру жолдары ұсынылды. Зерттеу нәтижелері отандық баспасөзге цифрлық платформаларды дамыту, әлеуметтік медианы тиімді пайдалану, оқырманмен кері байланысты нығайту қажеттігін көрсетті. Бұл ұсыныстар басылымдардың нарықта орнықты дамуына, аудиторияны кеңейтуіне, қаржылық тұрақтылықты қамтамасыз етуіне ықпал етеді.