Abstract
Мақалада ғылымның әртүрлі салаларын ұстанатын қазақстандық және шетелдік ғалымдар жүргізген ерте жастағы балалардың сөйлеу тілінің дамуы туралы зерттеулер қарастырылған. Ерте жастағы балаларда даму кезеңдері туралы сөйлеу тілі дамуының тежелуі жиі кездеседі. Бұл көбіне сенсорлық өңдеудің бұзылуы, сөйлеу бұзылыстары және эмоциональді-ерік сферасының бұзылуы сияқты басқа бұзылулармен үйлеседі. Бұл күрделі мәселе болуы мүмкін, өйткені сөйлеу тілі дамуының тежелуі көбіне олардың психикалық денсаулығына теріс әсер етеді және ересек жаста оларға кедергі етуі мүмкін. Осы мақала ерте жастағы балалардың сөйлеу тілі дамуындағы тежелуді (СТДТ) еңсеруде белсенді қолдау көрсету құралы ретінде мультисенсорлық тәсілдің орнын айқындайды. Қарастырылып отырған мәселе әлеуметтік тұрғыдан ерекше маңызға ие болғандықтан, оны шешу жолдарын ғылыми-зерттеу негізінде іздестіру қажет. Логопедиялық жұмыста мультисенсорлық тәсілді қолдану ұсынысы оның тиімділігінен туындап отыр, себебі баланың барлық талдағыш қызметтері жұмыла іске қосылады, кешенді әсер етеді. Ерте жас балалардың сөйлеу тілінің барлық компоненттері мен қарым-қатынас дағдысының қалыптасуына да жағымды нәтиже көрсетеді. Мақала мазмұнында тек 2018-2024 жылдар аралығында жарияланған жұмыстар қарастырылды. Зерттеу нәтижелері Қазақстан үшін шетелдегі сәтті түзету бағдарламаларынан үлгі алу қажеттілігін атап көрсетеді. Бұл сөйлеу тілі дамуында тежелісі бар ерте жас балалардың жағдайын жақсарту бойынша отандық стратегияларды жетілдіру және толықтыру мақсатында жүргізілді. Мақалада келтірілген мәліметтерді практикалық мамандар теориялық білімді толықтыру үшін, сондай-ақ жас балалардың сөйлеу қабілетін дамыту мәселелерін зерттейтін ғалымдар қолдана алады.