Abstract
Ushbu maqolada O‘zbekiston Respublikasida mustaqillikka erishilgandan so‘ng avtomobil va jamoat transporti sohasini rivojlantirish bo‘yicha amalga oshirilgan islohotlar, qabul qilingan normativ-huquqiy hujjatlar hamda transport tizimini takomillashtirish yo‘nalishlari yoritilgan. Shuningdek, zamonaviy shaharlarning transport muammolari – yerdan foydalanish, tirbandlik, avtomobilga qaramlilik, atrof-muhitga ta’sir va xavfsizlik masalalari tahlil qilinadi. Rivojlangan davlatlar tajribasi, xususan Yaponiya va Xitoy misolida transport muammolarini bartaraf etishning innovatsion yondashuvlari o‘rganilgan. Maqolada Jizzax shahri misolida jamoat transporti harakat tarkibini nazorat qilish, aholining jamoat transportidan foydalanish ko‘rsatkichini oshirish hamda transport xizmatlari sifatini yaxshilash bo‘yicha takliflar ishlab chiqilgan.