Abstract
Бұл мақалада түркі-ислам өркениетінің данасы, ұлы ойшыл Әбу Насыр әл-Фарабидің философиялық және діни көзқарастары талданады. Зерттеу барысында оның түркі-ислам философиясына қосқан үлесі мен орны қарастырылады. Герменевтикалық және салыстырмалы әдістер негізінде әл-Фарабидің ақыл мен логика, сенім мен таным, ғылым мен дін үйлесімі туралы идеяларының қазіргі заманғы маңызы анықталады. Мақалада ойшылдың қайырымды мемлекет концепциясындағы адамның рухани кемелдік құндылықтары мен философиялық мәні сабақтастырылады. әл-Фараби туралы бүгінгі жаңаша тұжырымдар қайта қарастырылады. Соның нәтижесінде оның метафизикалық, теологиялық және болмыстық тұжырымдарына баға беріледі. Сонымен қатар Фарабидің ойлау жүйесі, туған жері туралы, философиялық мұрасының құны туралы қысқаша тұжырымдалады.