Abstract
Түйін Мақалада этнопластика әлемдік мәдени кеңістікте Қазақстанның ұлттық брендін қалыптастырудағы негізгі мәдени ресурс ретінде қарастырылады. Этнопластика этникалық рәміздер мен рәсімдерге негізделген қозғалыстар жүйесі ретінде анықталады. Олар қазақ халқының дүниетанымын, болмысын көрсетеді. Мақалада оның маңыздылығы дәстүрді сақтаумен шектелмейді. Ол креативті сала, мәдени дипломатия және заманауи өнер үшін құрал ретінде қызмет етеді. Автор этнопластиканың дамуының тарихи-мәдени алғышарттарын, оның салт-дәстүрлік тәжірибеден сахналық түрлеріне айналуын, сондай-ақ, балет спектакльдері мен заманауи биге ықпалдасуын қарастырады. Этнопластиканы цифрландыруға және оны VR/AR, халықаралық фестивальдер сияқты жаңа пішіндерінде пайдалануға ерекше көңіл бөлінді. Қазіргі заманғы мәдени тәжірибеге бейімделу кезінде түпнұсқалықты сақтаудың маңыздылығы атап өтіледі. Этнопластика дәстүр мен инновацияны үйлестіре отырып, әлемдік аренада еліміздің имиджін нығайта отырып, Қазақстанның мәдени брендингінің құралдарының біріне айналуы мүмкін деген қорытынды жасалды.