Abstract
Мақалада Қазақстан экономикасының дамуы мен бәсекеге қабілеттілігін арттыруда инвестициялық тартымдылықтың рөлі зерттеледі. Инвестициялар экономикалық өсудің негізгі қозғаушы күші болып табылады, олар өндірістік қуаттарды жаңартуға, инновациялық технологияларды енгізуге және жұмыс орындарын құруға мүмкіндік береді. Президент Қасым-Жомарт Тоқаевтың айтуынша, экономиканы әртараптандыру және инновациялық дамуға баса назар аудару инвестицияларды тарту арқылы қол жеткізіледі. Зерттеуде Қазақстан аймақтарының инвестициялық тартымдылығын салыстырмалы түрде талдау және бағалау арқылы олардың әлеуетін анықтау мақсатында жаңа көрсеткіштер жүйесі ұсынылады. Аймақтардың экономикалық, әлеуметтік және географиялық ерекшеліктері ескеріліп, инвестициялық тартымдылықты арттыру бойынша тиімді стратегиялар ұсынылады. Мақалада 2020-2023 жылдар аралығындағы Қазақстан аймақтарының инвестициялық тартымдылық рейтингтері талданады. Атырау, Алматы және Астана сияқты аймақтар тұрақты түрде жоғары көрсеткіштерге ие болса, кейбір аймақтарда (мысалы, Қостанай, Маңғыстау) инвестициялық климатты жақсартуға бағытталған қосымша шаралар қажет екені атап өтіледі. Зерттеу нәтижелері инвестициялық саясатты жетілдіруге, аймақтық дамудың теңестіруді қамтамасыз етуге және Қазақстан экономикасының бәсекеге қабілеттілігін арттыруға ықпал етеді. Инвестициялық тартымдылықты арттыру үшін инфрақұрылымды дамыту, бизнес-ортаны жақсарту және білікті кадрларды даярлау сияқты шаралардың маңыздылығы атап өтіледі. Мақала теориялық және практикалық маңызға ие, себебі ол Қазақстан аймақтарының инвестициялық әлеуетін толық ашуға және тұрақты экономикалық өсуді қамтамасыз етуге бағытталған стратегияларды әзірлеуге көмектеседі.