Abstract
Бұл ғылыми мақалада бройлер-балапандардың өнімділігіне стресс факторларының әсері қарастырылып, оларды бақылау және азайту үшін жасанды интеллекттің (AI) технологияларын қолданудың қажеттілігі негізделеді. Зерттеудің негізгі міндеті – температура, ылғалдылық, отырғызу тығыздығы және балапандар арасындағы агрессия сияқты негізгі стресс факторларын анықтау және оларды жасанды интеллект арқылы бақылау әдістерін әзірлеу. Зерттеудің әдістемелік бөлігінде микроклимат параметрлерін тіркеу үшін сенсорлар және құстардың міңез-құлқын талдау үшін бейнебақылау жүйелері қолданылды. Зерттеу нәтижелері стресстің өсу қарқыны мен малдың сақталуына айтарлықтай әсер етіп, құстардың өнімділігін төмендететінін көрсетті. Жасанды интеллект жүйелерін енгізу өлім-жітім деңгейін 2,9%-ға төмендетуге және 42-күнде бройлердің орташа тірі салмағын 12%-ға арттыруға мүмкіндік береді. Жасанды интеллект тобындағы құстардың өсу қарқыны 14%-ға өсті, ал cақталу деңгейін 95%-дан 97,9%-ға дейін артты. Дәлелдер жасанды интеллект технологияларын пайдалану құс шаруашылығының тиімділігін айтарлықтай арттыруға, стресске байланысты тәуекелдерді азайтуға және құстардың денсаулығын жақсартуға мүмкіндік беретінін көрсетеді. Осылайша, жасанды интеллект қолдану – құс шаруашылығы саласында автоматтандыру мен тұрақты дамудағы перспективалы бағыты болып табылады және өндіріс тиімділігі мен құс әл-ауқатын арттыруға ықпал етеді.