Abstract
Трансшекаралық өзендердің ихтиофаунасын зерттеу экожүйені сақтауда, балық ресурстарын тұрақты басқаруда және олардың популяцияларын қалпына келтіруде маңызды рөл атқарады. Бұл зерттеулер балық түрлерін қорғау, олардың сарқылуын болдырмау және экожүйелер мен адам әрекетінің үйлесімді өмір сүруін қамтамасыз ету бойынша тиімді шараларды әзірлеуге көмектеседі. Мақалада Ақсу өзенінің қазақстандық бөлігінің негізгі гидрохимиялық сипаттамалары, ихтиофаунасының алуантүрлілігі, учаскелер бойынша түрлердің кездесу жиілігі, алуантүрлілік көрсеткіштері мен ұқсастық индекстері сияқты мәліметтер келтірілген. 2023-2024 жылдары жүргізілген ихтиологиялық зерттеулер бойынша Ақсу өзенінің таксономиялық құрамы 9 түрді құрады. Олардың 3 түрі аборигенді, 6 түрі бөгде түрге жатады. Аборигенді түрлер: сібір тортасы Rutilus lacustris (Pallas, 1814), шығыс тыраны Abramis brama orientalis Berg, 1949, түркістан теңге-балығы Gobio lepidolaemus (Kessler 1872). Бөгде түрлер: амур шабағы Pseudorasbora parva (Temminck et Schlegel, 1846), бозша мөңке Carassius gibelio (Bloch, 1782), кекіре Rhodeus sericeus (Pallas 1776), өзен абботинасы Abbottina rivularis (Basilewsky, 1855), медака Oryzias latipes (Temminck et Schlegel, 1846) және бұзаубас-балық Rhinogobius sp. ...