Abstract
Бұл мақалада БҚО жағдайында қазақтың ақбас ірі қара тұқымы төлдерінің өнімділік қасиеттеріне ақуыз-витаминді-минералды концентраттардың әсеріне зеттеу жүргізілген. Ірі қара мал басының (ІҚМ) ет және сүт өнімділігін арттыру үшін жануарлардың генетикалық әлеуетін арттыруды, мал басының тұқымдық профилін жақсартуды, өнімділігін арттыруды қамтамасыз ету қажет. Дәнді дақылдардан, азықтардан және жем-шөптен басқа, дәрумендер, минералдар мен ақуыздардың белгілі бір пайыздық қатынасында және өте жақсы сапада болуы керек. «PURINA» АВМК жемді күрделі өлшемдерсіз қажетті заттармен байытуға мүмкіндік береді-және оны бір қапшықтан оңай жасауға болады. Жануарларды толық азықтандыруды ұйымдастыру рациондағы барлық қоректік элементтерді, соның ішінде минералды заттарды оңтайлы мөлшерде және арақатынаста қамтамасыз еткен жағдайда мүмкін болады. Зерттеу нәтижелерін салыстыра отырып, болашақта төлдерді азықтандыруда рационға АВМК «PURINA» қоспасын қосу арқылы бұқашықтардың өнімділігін арттыру жоспарланып отыр. Себебі Республикамызда етті ірі қараның қырық екі пайызға жуығы Батыс Қазақстан аймағында, яғни ең көп біздің аймақта өсіріледі. Сондықтан қазақтың ақбас тұқымды ірі қара малы етті бағыттағы ірі қара шаруашылығында негізгі тұқым болғандықтан, оның сапасын, өнімділік деңгейін көбейтіп, тұқымын жақсартуға, экономикалық тиімділігін арттыруға әсер ететіні сөзсіз