Abstract
Мақалада Қазақстан Республикасының Орталық мемлекеттік кинофотоқұжаттар және дыбыстық жазбалар архивінің құрылу тарихына, қызметіне байланысты және аудиовизуалды құжаттардың маңыздылығы мен ерекшелігі туралы жазылған бірқатар еңбектерге тарихнамалық талдаужасалады. Зерттеудің мақсаты мен міндеттері –кинофотоқұжаттар және дыбыстық жазбалар архиві туралы еңбектерге тарихнамалық талдау жасау, Қазақстандағы архив ісінің зерттелу дәрежесін айқындау және әлі де болса зерттелуі қажет мәселелерін анықтау мақаланың негізгі мақсаты болып табылады. ҚазақстанРеспубликасы архив ісі саласында үлкен жетістіктерге жетіп келеді. Республикада қазіргі таңда архивтану мәселелерін, архив саласы қалыптасқан жекелеген тарихи кезеңдерді, архив мекемелерін зерттеудің өзіндік ғылыми базасы қалыптаса бастады. Соның нәтижесінде іргелі ғылым саласы архивтану пәні ғылым ретінде үлкен маңызға ие болып отыр. Мақалада Қазақстан Республикасының Орталық мемлекеттік кинофотоқұжаттары және дыбыстық жазбалар архивінің даму тарихы жайлы жарияланған монографиялар, ғылыми мақалалар, диссертациялар тарихнамалық дерек ретінде пайдаланыла отырып, архив тарихы, оның құжаттарының тарихи деректік маңызы біршама айқындалған. Құжат қорлары, олардың жинақталуы, сақталуы, сандық жүйеге толық көшірілуі басқа да архивтердің тарихнамалық тұрғыда зерттелу қажеттігі туралы тұжырымдар жасалып, ұсыныстар берілді.