Abstract
Мақалада Е.А. Бөкетов атындағы Қарағанды университетінің имиджі мен корпоративтік мәдениетін зерделеу бойынша жүргізілген социологиялық зерттеу нәтижелері баяндалған. Зерттеудің мақсаты –университет дамуының осы кезеңінде университеттің имиджі мен корпо-ративтік мәдениетінің өзара байланысын талдау, сондай-ақ қызметкер-лердің кадрлық әлеуетін арттыру және білім алушылардың білім беру процесіне жоғары оқу орнынан кейінгі интеграциясы және қауымдас-тығына түлектердің жоғары оқу орнынан кейінгі интеграциясы арқылы университет имиджін одан әрі дамыту бойынша ұсынымдар әзірлеу.Бұл зерттеу нысаны Е. А. Бөкетов атындағы Қарағанды университетінің оқытушылары, көмекші персоналы және білім алушылары болды. Талдау нәтижелері көрсеткендей, университет қызметкерлері мен білім алушылардың бағалауы бойынша қазіргі жағдайда университеттің имиджі мен корпоративтік мәдениетінің рөлі мен маңызы артып келеді. Имидж және мықты корпоративтік мәдениет университеттің жоғары сыртқы және ішкі имиджіне ықпал етеді, оның абыройы мен талапкерлер үшін тартымдылығын арттырады, қызметкерлердің адалдығы университеттің оқытушылар құрамының университеттің күнделікті өміріне және оқу процесіне интеграциялануын қамтамасыз етеді, кадрлардың ауысуын төмендетеді.Зерттеуде респонденттердің имидж мен корпоративтік мәдениеттің төрт маңызды көрсеткіштері бойынша бағалары қарастырылды. Оның ішінде корпоративтік мәдениеттің бейімделу қабілеті, икемділігі, өзгермелілігі; қызметкерлердің ұйымның мақсаттары мен құндылықтары туралы хабардарлығы мен берілгендік деңгейі; жұмыс процесіне және университеттің ішкі өміріне қызметкерлердің қатысуы/адалдығы; университеттің құрылымдық бөлімшелерінің сыртқы және ішкі үйлесімділігін бағаланды.Зерттеу нәтижелері бойынша білім беруді басқарудың тиімділігін арттыру, сондай-ақ жоғары білімді реформалау саласындағы мемлекеттік саясатты одан әрі дамыту бойынша ұсыныстар тұжырымдалды. Алынған нәтижелерді заманауи университеттердің күшті корпоративтік мәдениетін қалыптастыру және Қазақстан университеттерінің жұмысында қалыптасқан озық тәжірибелерді енгізу үшін пайдалануға болады.