Abstract
Мақалада қазіргі таңда күрделі мәселелердің бірі ретінде қалыптасқан Жапониядағы депопуляция жайлы баяндалады. Оны шешу жолында әртүрлі реформалар қалыптасқанымен де, экономикасы кең етек жайған, жоғары технологиялы Жапония үшін қандай шешім ұтымды болғандығы қарастырылады. Шешу жолында мигранттардың келуі, яғни шетелдік жұмысшыларды көбейту, қарттар үшін зейнетақы жүйесін қалпына келтіру және медицинаны дамыту арқылы қарттарға қамқорлық жасау реформалар мен әдіс тәсілдер жүргізілу үстінде. Соның ішінде инновацияның рөлі Жапониядағы депопуляцияны шешудің негізгі факторы ретінде көрсету мақаланың өзектілігі ретінде қарастырылады. Мақаланың негізгі мақсаты депопуляцияның саяси және әлеуметтік тұрғыдан әсерін анықтау арқылы белгілі шешу нысанын ұсыну болып табылады. Осы күнге дейін әртүрлі шешуші реформалар болғанымен де, экономиканың депопуляцияны шешу тұрғысынан тигізген әсерін көрсете отырамыз. Әсіресе, Жапониядағы қазіргі таңдағы даму үдерісіне ерекше мән бере отырып, жаңа бағыттар суреттеледі. Мақалада жалпы инновацияның депопуляцияны шешу жолындағы ерекшеліктері айтылады. Жастарға мүмкіндік беру, яғни болашағын жарқын етуге жағдай жасау, қарттардың жағдайын толыққанды жүйеде шешу жапондықтар үшін басты міндет болып есептелінеді. Сонымен қатар әр салаға сәйкес экономикалық жолдардың жасалынуы қарттар үшін ғана емес, жастарға да толыққанды жұмыс атқарып дамуы үшін үлкен қызмет атқарады.