Аннотация
Еліміздің фармацевтика нарығында табиғи тектес дәрілік өсімдік шикізаттарынан алынатын өсімдік текті препараттар үлесін көбейту үлкен қызығушылық туғызып отыр. Бұл мәселені шешудің жолы жан — жақты зерттеу және жергілікті табиғи шикізатты ұтымды пайдаланудың көмегімен жүзеге асады. Сонымен қатар, қазіргі заманғы синтетикалық шикізаттармен салыстырғанда табиғи шикізаттың қолжетімділігі мен арзандығын ілгерлету қажет. Осы орайда кәдімгі киікоты (Origanum vulgare L.) өсімдіктің шикізат қоры да жеткілікті. Бұл мақалада кәдімгі киікоты (Origanum vulgare L.) өсімдігінің жер үсті бөлігінен ультрадыбыстық және циркуляциялық (Сокслет аппаратымен) экстракция әдістерімен құрғақ экстракттар алынды. Кәдімгі киікоты (Origanum vulgare L.) — ДӨШ алынған экстракттардың химиялық зерттеулері газды хроматография масс-спектрометрия әдісімен анықталынды. Нәтижесінде Сокслет аппараты арқылы алынған экстракттың химиялық құрамында 71 қосылыс, ультрадыбысты әдіспен алынған экстракт құрамынан 35 қосылыстар анықталды. Экстракттың шығымы және фармакологиялық әсері жоғары биологиялық белсенді заттардың жоғары болуына байланысты Сокслет аппараты арқылы алынған экстракт белсенді болып танылды.