Аннотация
Алғашқы оқу мен жазу - барлық білімнің негізі. Ірге тасы ерте жастан бастап қаланатын алғашқы оқу мен жазу - бұл өмір бойы жалғасатын үдеріс. Алғашқы оқу мен жазуға үйретуде баланың назарын аударатын, ынталандыратын және сабаққа деген қызығушылығын арттыратын қосымшалар жасалуы керек. Осы себепті мұғалімдер балалардың бірнеше сезім мүшелеріне әсер ететін және олардың назарын аударатын материалдарды қолдануы керек. Алғашқы оқу мен жазу үдерісі қаншалықты тиімді және нәтижелі болса, басқа пәндердің негіздері соғұрлым берік болады. Осы себепті зерттеу жұмысының мақсаты - бірінші сынып мұғалімдерінің оқу мен жазуға үйретуде дыбыстық негіздегі сөйлем әдісі кезеңдерін қарастыру арқылы қалай сабақ беретіндігін анықтау болып табылады. Зерттеу жұмысы бірінші сынып мұғалімдерін бақылау арқылы жүргізіліп, сапалық зерттеу әдістерінің бірі болып табылатын тақырыптық талдау әдісімен жасалған. Зерттеу бойынша әдебиеттерге талдау жасалғаннан кейін бақылау әдісі қолданылды. Зерттеу нәтижесінде алынған мәліметтерді талдау барысында, дыбысты сезіну және тануды үйретуге байланысты сұрақтарға сүйене отырып, мұғалімдер негізінен оқушылардың өздері келтірген мысалдарды есепке алмағандығын және олар материал ретінде әндерді, бейне материалдарды, әңгімелер мен суреттерді пайдаланғандығы анықталды. Дыбысты оқу мен жазуға үйретуге байланысты мұғалімдердің оқушыларға жазуды дұрыс жазуына көмектесу үшін әр түрлі жұмыстар жасайтыны байқалды. Буын, сөз, сөйлем және мәтін құруды үйретуге байланысты орындаған жұмыстарда мұғалімдер буын құруды, сөздерді, сөйлемдерді құратуда көрнекіліктерді молынан қолданды, бірақ ашық буындар мен тұйық буындардың құрылуына мән бермеген деген қорытынды жасалды.