Аннотация
Қызылорда облысында жаздық бидайды өндірістік жағдайда ауыспалы күріш егісінің дақылы ретінде өсіріледі және жемшөп дайындау үшін малазығы өндірісінде кеңінен қолданылады. Өңірде жаздық бидай жыл сайын ауыспалы егістің 6-8% құрайды. Жаздық бидайдың әлеуетін толыққанды іске асыру және жоғары деңгейде дән өнімділігін алу үшін өсіру технологиясының әрбір агротәсілін талапқа сай орындау қажет. Тұқымдардың толыққанды өскіндерін және жоғары дән өнімділігін алу үшін алғы дақылдар бойынша егістерді тиімді орналастыру, оңтайлы топырақ өңдеу әдістері, ғылыми негізделген минералды тыңайтқыштар жүйесі және егісті күтіп-баптаумен қатар, көктемгі кезеңде тұқым себу мерзімін дұрыс таңдау және оңтайлы себу нормасын анықтау маңызды роль атқарады. Тұқым себу мерзімдері мен себу нормалары бойынша танаптық зерттеу жұмыстары Қызылорда облысының орталық аймағында орналасқан Ы.Жақаев атындағы Қазақ күріш ҒЗИ-ның тәжірибе алаңында жүргізілді. Жүргізілген зерттеу нәтижелері жаздық бидайдың Қазақстандық 10 сорты тұқымдарын наурыз айының алғашқы екінші онкүндігінде 4,5 млн. өнгіш дән себу нормасымен сепкенде, танаптағы өскіндердің біркелкі шығуына және егістерде өсімдіктердің оңтайлы тығыздығын орналастыруға мүмкіндік беретіні көрсетіп отыр.