Аннотация
Мақалада туризмнің шығу тарихы, тарихи қалыптасуының кезеңі, туризм индустриясының дамуы, қазіргі ахуалы талданды. Казақстан мемлекетінде туристік қызметті оңайлатуға және дамытуға бағытталған бірнеше іс-шаралар ұсынылды, туризмді дамыту жолында экономиканың басқа да салаларының дамуына қосымша әсер етуі қарастырылды. Қасиетті де киелі жерлер тарихы, мәдени қарым-қатынасы әрі құнды жәдігерлер мен артефактілер талданды. Өнер жетістіктері, мәдениет табыстары, тарих тағылымдарының, ата-баба мирасының маңыздылығы туралы ой қозғалып, оны қорғау, қастерлеу өскелең ұрпақтың міндеті екені айтылды.Қазақстанда туризмнің әр түрін дамыту перспективалары туристік ағынды тікелей көтерумен қатар, мәдени туризм тұтастай алғанда өңірдің туристік дамуына, сондай-ақ әлеуметтік жағдайдың жақсаруына, жаңа жұмыс орындарын құруға және инвестициялардың ағынына елеулі үлес қосатындығымен расталады. Осыған орай, мақалада мәдени туризмнің әлемдік экономикаға әсер етуінің аспектілері, белгілі бір мақсаттағы экономика туралы, сондай-ақ туризмнің осы түрімен айналысатын кәсіпорындар қызметінің ерекшеліктері зерттелетін болады.