Аннотация
Ә.Т. Төлеубаевтың 2018 ж. жарық көрген «Раннесакская шиликтинская культура» атты монографиясында ерте сақ мәдениетінің қалыптасу мәселесі қарастырылған. Шығыс Қазақстандағы Шілікті қорымындағы элиталық ескерткіштерді (б.д.д. VIII–III ғғ.) кешенді зерттеу негізінде автор Шілікті ескерткіштерін дербес археологиялық мәдениет ретінде бөліп көрсетіп, ерте сақ мәдениетінің қалыптасу орталығын осы Шілікті-Тарбағатай өңірімен байланыстырады. Сонымен қатар монографияда сақтардың мемлекеттілігі және сақтар мен түркі халықтары арасындағы генетикалық сабақтастық туралы пікірталас тудыратын тезис ұсынылған. Шолуда жалпы теориялық-әдістемелік сипаттағы және аталған тұжырымдарға қатысты ескертпелер талданады. Автор монографияның деректік қорын, ғылыми құндылығы мен пәнаралық зерттеу әдістерінің жүйелігін жоғары бағалайды.