Аннотация
Мақалада цифрлық білім беру жағдайында болашақ информатика пәні мұғалімдерін программалауға бейімделген оқытудың әдістемелік негіздері мен оның тиімділігін анықтауға бағытталған зерттеу нәтижелері ұсынылған. Зерттеу үш кезеңнен тұратын педагогикалық эксперимент аясында жүргізілді: бастапқы диагностикалық, қалыптастырушы және қорытынды бақылау кезеңдері.Эксперименттік жұмыстың тиімділігін бағалау мақсатында әртүрлі өлшеу құралдары –тест тапсырмалары мен сауалнамалар қолданылды. Алынған мәліметтер кестелер мен диаграммалар түрінде визуалданып, сандық және сапалық талдау әдістері арқылы өңделді. Зерттеу барысында салыстырмалы талдау, деректерді жүйелеу және жалпылау, бақылау, сауалнама жүргізу, тестілеу, сондай-ақ педагогикалық тәжірибені сараптау сияқты ғылыми әдістер қолданылды.Оқытудың тиімділігін бағалауда негізгі көрсеткіш ретінде болашақ мұғалімдердіңпрограммалау бойынша білім деңгейіндегі өзгерістер алынды. Зерттеу нәтижелері арнайы әзірленген цифрлық платформа негізінде жүзеге асырылған бейімделген оқыту моделі болашақ информатика мұғалімдерінің кәсіби құзыреттілігін арттыруға елеулі түрде оң ықпал ететінін көрсетті.