Аннотация
Лабазник (Filipendula vulgaris Moench) өсімдігінің химиялық құрамы, биологиялық белсенділігі және фармакологиялық әлеуетіне қатысты әдеби шолуды жүргізу және оның фармацевтика саласында қолдану мүмкіндіктерін зерттеу. Әдістері. Scopus, Web of Science, PubMed, Google Scholar дерекқорларында соңғы 15 жыл ішінде жарияланған зерттеулер талданды. Лабазник өсімдігінің құрамындағы биологиялық белсенді заттар (ББЗ), олардың экстракция әдістері және фармакологиялық қасиеттері зерттелді. Зерттеуге антиоксиданттық, қабынуға қарсы, антисептикалық және жараларды жазатын әсерлер кіреді. Нәтижелері. Лабазник құрамында флавоноидтар (рутин, кверцетин, кемпферол), дубильді заттар, салицилаттар, фенол қышқылдары және эфир майлары бар екендігі анықталды. Фармакологиялық зерттеулер оның антиоксиданттық, қабынуға қарсы, кардиопротекторлық және нейропротекторлық қасиеттерін растайды. Ультрадыбыстық экстракция және CO₂-мен экстракциялау әдістері жоғары концентрацияланған және тұрақты экстракттарды алуға мүмкіндік береді. Қорытынды. Лабазник обыкновенный фармакологиялық белсенді қосылыстардың перспективалы көзі болып табылады. Алдағы зерттеулер бұл өсімдіктің экстракттарына негізделген фитопрепараттарды жасауға бағытталған