Аннотация
Мақалада Д. Исабековтің «Гауһартас» повесінің экранизациясындағы дәлдік, кейіпкерлер психологиясы талқыланып, ғылыми тұжырымдар жасалынды. Зерттеудің мақсаты, негізгі бағыты мен идеясы – «Гауһартас» шығармасы мен фильмін салыстыра талдай отырып, кейіпкерлердің психологиясындағы дәлдіктің сақталу, сақталмауы анықталды. Жазушының көргенін, естіген фактілерін қорытуын, ойлау позициясын, суреттеу принциптерін, идеяны жеткізу ерекшеліктерін экранизациялау барысында сақталуының маңыздылығы дәйектенген. Жұмыстың ғылыми маңыздылығына тоқталар болсақ, талдау жұмыстары шығарманы экранизациялауда дәлдіктің сақталуына, түпнұсқадағы ойды, кейіпкерлер психологиясын түсінікті жеткізуге көмектеседі. Жұмыстың нәтижелері мен талдауы, қорытындысы: әдебиет – әр халықтың рухани қазынасы, халықтың болмысын, психологиялық ерекшеліктерін танытатын, дамуы мен проблемасын анық көрсететін мұрасы. Кез келген әдеби шығарманы экранизациялау барысында жазушы айтқысы келген негізгі ойды нақты жеткізу маңызды. Зерттеудің құндылығы ретінде қазақ халқының болмысы бұрмаланбай, қоғамдық проблемалары айқын болған жағдайда, оның шешу жолдарын табу оңайырақ болатындығы туралы ой салатын талдаулар берілген. Бұл тұста қоғамның айнасы саналатын туындыларды ұрпақтан ұрпаққа жеткізудің маңызы айқындалған.