Аннотация
Мақалада толықтырылған шындық технологиясының мүмкіндіктері көрсетілген, яғни оқу және жобалық жұмыстарда қолдануға мүмкіндік береді. Ұсынылған жұмыстың мақсаты толықтырылған шындық технологиясын өз сабақтарында және мұғалімдерге, студенттердің жобалық қосымшалар дайындауда қолдану үшін толықтырылған шындық технологиясын зерттеуде қолдана алады. Бұл жұмыста 7-сыныптағы геометрия сабақтарында, атап айтқанда, планиметриялық есептерді оқу кезінде толықтырылған шындық технологиясының элементтерін пайдалану ұсынылады. Бұл тапсырмалармен тікелей әрекеттесуге, жауаптарды көруге, сондай-ақ қажетті ақпаратты шақыруға мүмкіндік беретіні көрсетілді. Толықтырылған шындық технологиясын оқу үрдісінде қолдану мұғалімнің біліктілігін арттырудың маңыздылығы ашылды. Сондай-ақ, AR қосымшаларын жасау бойынша жұмыс процесінде студент жобалық қызметпен сәтті айналыса алатыны айтылған. Толықтырылған шындық технологиясы студенттердің шығармашылық және кеңістіктік қабілеттерін ашуға көмектеседі, сонымен қатар оқу мотивациясына ықпал етеді. Қазіргі уақытта интерактивті цифрлық технологиялардың қарқынды дамуы жаңа кәсіптердің негізінде сұранысқа ие құзыреттер мен дағдылардың тізімін үнемі өзгертіп отырады. Осының нәтижесінде ойлау қабілеті барынша икемді және шығармашылық қабілеті жоғары, шығармашылық әлеуеті зор, өз бетінше әрекетке де, топтық жұмысқа да дайын мамандарға сұраныс артуда.