Аннотация
Инновациялық экономика жинақталған зияткерлік әлеуеттің сапасы мен құнының өсуімен бірге, яғни ғылымның дамуымен қатар құрылады және дамиды, ал зияткерлік адами капитал - оның дамуының басты факторы болып табылады. Ал жинақталған сапалы зияткерлік әлеует инновациялық экономика секторының, сондай-ақ білім экономикасының іргетасының негізгі бөлігі болып табылады. Зерттеудің мақсаты – Қазақстан Республикасының инновациялық экономиканы қалыптастыру кезінде зияткерлік әлеуетті дамытудағы негізгі проблемаларды анықтау болып табылады. Зерттеу жүйелі-құрылымдық-функционалдық тәсіл негізінде жүргізілді, Қазақстанның зияткерлік әлеуетін дамытуға SWOT-талдау жасалынды. Қазақстанның зияткерлік әлеуетін дамытудың күшті және әлсіз жақтарын талдау оң жақтарын көрсетіп қана қоймай, зияткерлік әлеуетті дамытудағы негізгі кемшіліктерді және инновациялық экономиканы қалыптастырудағы проблемаларды анықтауға мүмкіндік берді. Зияткерлік әлеуетті дамытуға білім беру және ғылыми зерттеулер үшін инфрақұрылымның дамымауы; қалалық және ауылдық мектептердің, ұлттық, өңірлік және жекеменшік жоғары оқу орындарының білім беру сапасындағы теңсіздік кедергі келтіреді; талантты адамдардың көші-қоны, негізінен техникалық білімі бар шетелде жақсы мүмкіндіктер іздеуде; ғылыми және технологиялық инновациялардың күшті дәстүрінің болмауы; ғалымдар санының азаюы, ғылыми дәрежесі бар зерттеушілер санының азаюы. Талдау нәтижелері бойынша тиісті зияткерлік әлеуеті бар адами капиталды қалыптастыру негізгі болып табылатын елде инновациялық экономиканы қалыптастыру үшін жүйелі жағдайлар ұсынылды. Зерттеу нәтижелері елдегі инновациялық экономиканы қалыптастыруды жандандыруға мүмкіндік береді, ал зияткерлік әлеуетті қалыптастырудың белгіленген стратегиялық басымдықтары осы тұрғыда дамыту қажет сәттерге назар аударуға мүмкіндік береді.