Аннотация
Ұсынылып отырған мақала кейбір посткеңестік мемлекеттердегі азаматтық институтына, соның ішінде белгілі бір мемлекеттің азаматтығын алу, одан шығу, азаматтықты тоқтату, азаматтықтан айырылу сияқты өзекті сұрақтарға мемлекеттердің азаматтық туралы заңнамаларын, халықаралық құқықтық құжаттарға шолу жасау негізінде өзгешеліктер анықталады. Бұл сұрақтар біздің елімізде де өзекті бола бастады. Азаматтық алу құқығы басқа азаматтық құқықтар мен бостандықтардан және белгілі бір міндеттерді орындаудан оқшауланған жағдайда жүзеге асырылмайтынын есте ұстаған жөн. Азаматтылық құқығына тұру құқығы, мемлекеттік істерді жүргізуге қатысу құқығы, сайлау және сайлану құқығы, дипломатиялық қорғалу құқығы және басқалары бір бірімен тығыз байланысты. Азаматтық және азаматтығы жоқтық мәселелері қоғамдық қатынастардың жаһандану проблемасына байланысты өзекті бола түсуде. Аталған сұрақ төңірегінде жүргізілген зерттеу нәтижесінде авторлық сараптаулар жасалып отыр. Қазіргі таңда мемлекеттермен қабылданған құқықтық актілердегі азаматтықты беру және азаматтықтан шығу сұрақтарына, тиісті заңнамаларда көрсетілген азаматтыққа байланысты талаптардың орындалмауының қандай жағдайларға әкеліп соғатыны жайында да салыстырмалы мағлұматтар беріледі. Сонымен қатар, Қазақстан, Қырғызстан және Өзбекстан республикаларының конституцияларына, азаматтық туралы заңдарына, әкімшілік және қылмыстық заңнамаларына салыстырмалы құқықтық талдау жүргізу нәтижесінде анықталған ұқсастықтар мен өзгешеліктер анықталады.