Аннотация
Соңғы жылдары ғарыш кеңістігіндегі денелер мен сәулеленудің өзара әрекеттесуін зерттейтін астрофизика ғылымының қарқынды дамуы, сондай-ақ аспан денелерін бақылаудың жаңа әдістерінің пайда болуы жұлдыз аралық ортада физикалық процестерді мұқият зерттеуге мүмкіндік беріп келеді. Жұлдыздардың пайда болу мұмкіндігі жұлдызаралық газ бен тозаңның тығыздығы мен мөлшеріне байланысты, ал жұлдыздар қоршаған жұлдызаралық ортаның қасиеттерін өзгертеді, оны қыздырады, газдың үздіксіз қозғалысын қолдайды және қоршаған ортаны өз заттарымен толықтырып, оның химиялық құрамын өзгертеді. Ұсынылған жұмыста бірінші рет N19 инфрақызыл тозаңды көпіршік аймағында жас жұлдыз объектілеріне іздеу жүргізілді. Таңдалған қажеттеі критерийлер бойынша жас жұлдыз объектілерін іздеуге арналған компьютерлік ортады MatLab математикалық модельдеу бағдарламасы жасақталды. Табылған инфраақызыл сәулелену көздерінен І класс жас жұлдыздарына жататын 11 объект, ал ІІ классқа 26-сы және 20-сы өтпелі диск сатысындағы жас жұлдыз объектісі болатыны анықталды. Нәтижесінде инфрақызыл N19 тозаңды көпіршік маңында жас жұлдыз нысандарына үміткерлер үшін “түс-түс” диаграммасы тұрғызылған. Сонымен қатар, түс көрсеткіштерінің өзгеру диапазондары талданған және осы диаграмма жас жұлдыз объектілерін олардың эволюциялық сатысына сәйкес анықтаудың жаңа критерийлерді айқындауға мүмкіндік беретіндігін көрсетілген.