Аннотация
"Ақылды үй" – бұл адамдарға күнделікті өмірде көмектесуге бейімделген ортаға қатысты маңызды зерттеу саласы. Бұл мақалада адамдарға күнделікті іс – әрекетте, тәуелсіз өмір салтын қолдау мақсатында көмектесу үшін жасалған кез – келген ортаға сілтеме жасау үшін қолданылатын және үйдің ішкі ортасын, кейде тұрғындарды бақылау үшін сенсорлар мен атқарушы құрылғыларды, сондай – ақ жалға алушыға күнделікті іс – әрекетте қолдау немесе көмек көрсетуді қамтитын мәселелер қарастырылған. Таңдалған тақырыптың өзектілігі осы жүйелердің қымбаттығына және олардың адамның қажеттіліктеріне автоматты түрде бейімделе алмауына байланысты, электр энергиясын тиімді пайдалану жолдарын зерттеу болып табылады. Жұмыстың мақсаты – контекстке тәуелді басқару алгоритмін енгізу арқылы жарықтандыру жүйесінің тиімділігін арттыру. Мақалада келесідей зерттеудің міндеттері көрсетілген: ақылды үй жүйесінің параметрлерін басқару саласындағы қолданыстағы коммерциялық шешімдерге талдау жасау, жасанды нейрондық желі негізінде жарықтандыру жүйесін басқару алгоритмін жасау, жарықтандыруды басқарудың интеллектуалдық жүйесін аппараттық іске асыруды орындау. Бұл жарияланымда автоматтандырудың маңызды аспектісі – пайдаланушының қызметіне бейімделу мүмкіндігімен тұрғын үйді жарықтандыруды басқару тақырыбы қозғалған. Мақалада зерттеу нысаны – кіретін ақпаратты талдау арқылы жарықтандыру деңгейін бақылайтын интеллектуалды жарықтандыруды басқару жүйесі бойынша жан-жақты талдауы жасалынған. Бұл жұмыста ақылды үй жүйесінің функцияларына салыстырмалы талдау жасалды, жарықтандырудың қолайлы түс температурасын негіздеу әдісі қолданылды, жарықтандыруды басқару жүйесінің жұмыс алгоритмі үшін сценарий құру әдісі қолданылды.